Акромийлар
Акромийлар — исломдаги диний-сиёсий гуруҳ (оқим). 1997-1999 й.ларда Фарғона водийсида пайдо бўлган. Гуруҳ асосчиси -Акром Йўлдошев (1960 й.да Андижонда туғилган). Гуруҳ аъзолари, асосан, ҳунармандлардан иборат бўлган. Улар расмий ишхоналардан бўшаб, жамоа маъқуллаган меҳнат фаолияти билан шугулланганлар. Улар мавжуд тузумни тан олмайдилар, давлат, қонун, ота-онага емас, фақат оқим сардорларига бўйсуниш лозим деб ҳисоблайдилар. А.асосчиси ваҳҳобийлик таълимотига таяниб, 1992 й.да 12 дарсдан иборат "Имонга йўл" деб номланган дастур ишлаб чиққан. Дастурда охирги мақсад - ислом давлатини барпо етишдан иборат екани таъкидланган. А. сиёсий ҳокимиятга еришишнинг 5 босқичини режалаштирганлар: 1. "Сирли" ёки "махфий". 2. Моддий. 3. Маънавий. 4. "Узвий майдон". 5. "Тўнтариш". Дастурда диний таассубга мойиллиги бор шахс танлаб олиниши, унинг моддий ҳаёти яхшиланиши, екстремизм, террорчилик руҳидаги адабиётлар билан таништирилиши, бошлиқнинг топшириқларини сўзсиз бажариши ва ниҳоят мавжуд конститутсиявий тузумни ағдариб ташлаб, ўз ҳокимиятларини ўрнатиши баён етилган. А. ҳозирги кунда мусулмонларга намоз, рўза, закот, ҳаж фарз емас, чунки биз куфр давлатида яшамоқдамиз, деб ҳисоблайдилар. То ислом давлати қурилмагунча, мазкур ибодатларни бажариш шарт емас деб қарайдилар. Ўзбекистон мусулмонлари бу оқимни исломга ёт оқим деб баҳолади. Оқим халқнинг кескин қаршилигига учради ва фаолияти барҳам топди.
Манбаа: Ислом энциклопeдияси
Дўстларигиз билан улашинг!