Қарздор ва шунга ўхшаш кишилар орасида садақа олиши жоиз бўлганлар
Абу Саъид Ал-Худрий (розияллоҳу анҳу)дан ривоят қилинди; айтди: «Расулуллоҳ саллаллоҳу алайҳи ва саллам даврларида бир киши* сотиб олган меваларидан зарар кўриб, қарзи кўпайди. Шунда Расулуллоҳ саллаллоҳу алайҳи ва саллам: «Унга садақа қилингизлар!» дедилар. Одамлар унга садақа қилишди, лекин йиғилган садақа унинг қарзини тўламоққа етмади. Шунда Расулуллоҳ саллаллоҳу алайҳи ва саллам унинг товончиларига: «(Ундан) нимаки топсангиз, олингизлар, илло сизларга шу топганларингиздан бошқа нарса йўқ», — дедилар. (Яъни фақат топганларингизнигина олишларингиз мумкин).
* Бу зот Муъоз ибн Жабал (розияллоҳу анҳу) эканлиги айтилди.
Бу бобда Оиша, Жувайрий ва Анас (розияллоҳу анҳум)дан ҳадис ривоят қилинди.
Абу Саъиднинг ҳадиси ҳасан-саҳиҳ.
Дўстларигиз билан улашинг!