Эмизикли ўғил боланинг сийдиги устидан сув қуйиб тозаламоқ
Али ибн Абу Толиб (розияллоҳу анҳу)дан ривоят қилинди: «Расулуллоҳ саллаллоҳу алайҳи ва саллам змизикли ўғил боланинг сийдиги борасида бундай дедилар: «Ўғил боланинг сийдиги устига сув қуйилади, қиз боланинг сийдиги ювиб ташланади».
Қатода айтади: «Бу (ҳол) овқат ея бошлашидан олдиндир. Овқат ея бошлаганда, ҳар икковининг сийдиги ювиб ташланади».
Имом Ат-Термизий «Таҳорат боблар»ида бу масала учун махсус боб ажратганларки, бу ҳадисни ушбу ўринда зикр қилмоқларининг сабаби маълум бўлмаётир. (Балки ушбу боблар сўнгида аввалини қайта эслаш учундир). 54-боб, 71-ҳадисга қаранг.
Бу ҳадис ҳасан.
Ҳишом Ад-Даставоий бу ҳадисни Қатодадан марфуъ тарзида ривоят қилди. Саъид ибн Абу Аруба эса мавқуф тарзида ривоят қилади ва ҳадисни рафъ этмайди (Расулуллоҳ саллаллоҳу алайҳи ва салламга(ча) юксалтирмайди).