Масжидларнинг қайси бири афзалроқ?
Абу Ҳурайра (розияллоҳу анҳу)дан ривоят қилинди; «Расулуллоҳ саллаллоҳу алайҳи ва саллам айтдилар: «Менинг ушбу масжидимда ўқилган бир намоз, (Каъбатуллоҳдаги) Масжид ал-Ҳаромдан ташқари, бошқа (барча) масжидларда ўқилган минг намоздан хайрлироқдир».
Қутайба ўз ривоятида «Убайдуллоҳдан» демайди, фақат «Зайд ибн Рабоҳдан, Абу Абдуллоҳ Ал-Ағордан» дейди.
Бу ҳадис ҳасан-саҳиҳ.
Абу Абдуллоҳ Ал-Ағорнинг исми - Салмон.
Бу ҳадис Абу Ҳурайра тариқи билан Расулуллоҳ саллаллоҳу алайҳи ва салламдан, бошқа важхдан ҳам ривоят қилинган.
Бу бобда Али, Маймуна, Абу Саъид, Жубайр ибн Мутъим, Абдуллоҳ ибн Аз-Зубайр, Ибн Умар ва Абу Зарр (розияллоҳу анҳум)дан ҳадис ривоят қилинган.
Дўстларигиз билан улашинг!