Тақво асосида қурилган масжид
Абу Саъид Ал-Худрий (розияллоҳу анҳу)дан ривоят қилинди; айтди: «Бани Худро (қавми)дан бўлмиш бир киши билан Бани Авф (қавми)дан бўлмиш бир киши, «пойдевори тақво асосида қурилган масжид» борасида баҳслашиб қолди. Бани Худродан бўлгани: «Бу Расулуллоҳ саллаллоҳу алайҳи ва салламнинг масжидларидир», деса, униси: «Бу - Қубо масжиди!» деди. Шунда улар бу масалада Расулуллоҳ саллаллоҳу алайҳи ва салламга келиб мурожаат этдилар. (У зот) марҳамат қилиб айтдиларки, «Ўша масжид ушбудир, яъни ўз масжидларини айтдилар, ва унда кўп хайрлар бордир»...
Бу ҳадис ҳасан-саҳиҳ.
Абу Бакрий, Али ибн Абдуллоҳдан нақл этиб бундай дейди: «Яҳё ибн Саъиддан, Муҳаммад ибн Аби Яҳё Ал-Асламий ҳақида сўрадим. Унда зарар (ёмонлик) йўқ, биродари Унайс ибн Аби Яҳё ундан кўра саҳиҳроқ», деди.