Азоннинг бошланиши
Ибн Умар (розияллоҳу анҳу)дан ривоят қилинди; айтди: «Мусулмонлар Мадинага келганларида тўпланишар ва намоз вақтларини мўлжаллаб олишар эди. Уларнинг бирон чақирувчиси йўқ эди. Бир куни намозга чақириш ҳақида гаплашиб қолдилар. Баъзилари: «Насоролар қўнғироқ чалганидек қўнғироқ чалингизлар», деса, баъзилари: «Яҳудийлар бурғу чалганидек бурғу чалингизлар», - дейишди. (Ҳазрати) Умар ибн Ал-Хаттоб: «Намозга чақирадиган бирор кишини юбора олмайсизларми?» - дедилар. Шунда Расулуллоҳ саллаллоҳу алайҳи ва саллам: «Ё Билол! Тургил, (мусулмонларни) намозга чақиргил!» дедилар.
Бу ҳадис ҳасан-саҳиҳ ҳамда Ибн Умарнинг ривоятидан ғариб.
Дўстларигиз билан улашинг!